-
ako po ay mangaawit din sa isang lokal sa Bulacan…
tama po ang hinaing ng aking kamang-aawit… marahil ito po ang isang dahilan ng pagkawala ng espiritu sa mga panahon ng pagsamba…
1. Kami pong mga mang-aawit ay hindi propesyunal na mang-aawit na basta bigyan ng nota ay alam na kaagad basahin ang mga ito. marami sa mga matatandang mang-aawit ay mas sanay parin sa pagbabantas sa mga lyrics ng awit. ang pagbabasa ng nota ay unti unti nauunawaan ng mga kamang-aawit ko ngunit hindi ito overnight. mahabang proseso.2. hindi naman po talaga issue ang salapi at oras na gugulin para sa mga pagsasanay / pagaaral ng mga awit ngunit kung ang mga aaralin ay napakarami ay kulang ito para sa isa hanggang tatlong oras na pagiinsayo, masyado po itong mabigat para sa mga hindi propesyunal na mang-aawit. ang mga mang-aawit nga po sa katoliko inaabot ng 3-5 hours para sa isa o dalawang Bago (as in New) na awit, kahit singer na may album ask them ilang awit ang kaya nilang aralin sa loob ng isang oras? promise medyo imposible po na maaral ang mga Bagong awit ng sabay sabay. ok pa po sana if mahaba ang paghahanda, kagaya ng nabanggit ng kamang-aawit ko wala pa ang proccesional lagpas apat na linggo nalang. for sure hindi naman po repeat na awit yan.
3. noong araw kapag may okasyon expected na namin na mayroong bagong awit pero isa-dalawa o tatlo na pinakamadami, at oktubre o pagpasok palang ng november maaral na. pero ngayon November 17, lahat puro bago ang awit, (kakaiba pa ang himig -Nakakapanibago), totoo kaunting kaunti nalang malapit na maging konsyierto ang mga tunog, kaunti nalang para na tayong El Shaddai at born again dahil sa mga kakaibang himig. noon bago man ang awit pero madaling matutuhan dahil may solemne puso ang mga awit. ngayon pang concert, pop na pop.
4. ano magiging epekto ng lahat? mababaw ang mga awit kulang sa pagsasapuso, ang totoo kahit hawak namin ang himnario at binabasa ang awit ay mas mainam na kabisadong kabisado mo ito yung tipong kahit pumikit ka o mabasa ng luha ang mata mo makakaawit ka ng tama. ngayon dahil bago nga ang lahat ng awit kailangan mo tutukan ang mga nota bantas at lyrics( na mayroon pa ngang makabagong pananalita na dati hindi angkop) upang maawit mo ng tama. tendency pag hindi mo kabisado mahina ang awit.
5. sa huli patuloy ang pagsunod, patuloy ang pananalangin pagkat ang Diyos parin ang gagawa sa para sa tapat niyang hinirang.
SULAT SA ATIN NG ISANG INC DEFENDERS NA MANG-AAWIT … NANGANGAMBANG IBINALITA KASALUKUYANG KALAGAYAN NILA …
Kapatid na Mang-aawit
Nov 16th, 10:48pm
Minamahal naming kapatid na Elias, Nais ko lamang pong ibalita sa inyo ang kalagayan ng mga awit sa pagsamba. Hanggang ngayon po ay hindi pa po ibinibigay ang kopya ng awit sa processional hym. Ang mga kopya ng awit na natanggap po namin ay iilan lang po tulad ng para sa labasan at abuluyan. Isang buwan na lang po at magpapasalamat na, hindi pa po alam ng mga mang-aawit ang mga aawitin, at hindi po ganun kadali magkabisa ng awit. Nakalulungkot po talaga, wala akong makitang pagmamahal at pagmamalasakit sa mga nangunguna. Ilang taon na rin po silang ganyan. Dati po hindi pa sila malala, napansin ko lang po pagtungtong ng taong ito ay masyado na pong halata ang pagwawalang bahala nila sa kalagayan po ng Iglesia. Magandang gabi po…
Nakalulungkot na balita sa panig ng mga kapatid nating mga mang-aawit sapagkat tunay na lalo ngang lumalala ang kalalagayan ng mga mang-aawit sa bawat lokal ng Iglesia sa kasalukuyan. Kaya naman naihingi mabuti nating kapatid ng kanyang mapaghihingahan ng kanyang hinanakit ay ang inyong abang lingkod, na naisulat sa atin ng ating mahal na kapatid. Dahil dito ang iyong kapatid ay muling manghihiram ng Karunungan ng ating Panginoong Diyos sa pamamagitan ng ating Panginnong Jesu-Cristo sa patnubay at paggabay pa rin ng Banal na Espiritu ng ating Panginoong Diyos upang maihanay naman natin ng may pagmamahal at buong inam na maipaunawa sa lahat. Bagamat para sa mga mang-aawit ngunit ang pagpapaalaala ay para sa lahat ng mga maytungkulin.
Ito ba ay bagong bagay na pangyayari? Ang naganap noon ay muli bang magaganap sa kasalukuyan? Kanino o sino ang payak na pinatutungkulan sinisisi ng Panginoong Diyos sa mga pangyayaring naiuugnay din sa ating panahong sa naganap sa nakaraan? Mabuting sipiin natin ang mga patotoong ito sa Banal na Kasulatan.
Ezekiel 22: 6 “Ang mga pinuno ng Israel ay nagtiwala sa kanilang lakas at walang awang pumapatay. Walang ibang pangunahing dapat na sisihin kundi ang mga pangunahing leader na nagtitiwalang labis sa kanilang mga authority o kapamahalaan na marami ang pinagpapatay na karapatan, ito ang payak na sagot ng Banal na Kasulatan. Kapag pangunahin sila ay naroroon sa Sentrong Dako o CENTRAL. 7 Nawala na ang paggalang sa mga magulang. Inapi ninyo ang mga dayuhan, gayon din ang mga ulila at balo. Dito mapag-iisip-isip na kayo mga mahal kong kapatid kung sino ang pangunahing nakagawa nito. Walang iba nakalulungkot ang kinikilalang Pamamahala sa Iglesia sa katauhan ng kapatid na Eduardo V. Manalo. Nawala ang paggalang niya sa kanyang magulang at nanaig ang pagrerebelde upang ang pagiging isang balo ng kanyang ina at mga kapatid na ulila ay maibilang niya sa mga kanyang inaaapi tulad din ng kasalukuyan nilang pang-aapi sa mga kapatid nating mga nasa ibayong dagat kung saan sila mga naroroon ngayon kasama ang kanyang mga tiwaling Sanggunian na binabanggit sa unang talata na ating sinipi na pinatutungkol sa mga pinuno ng bayan ng ating Panginoong Diyos.
8 Winalang-halaga ninyo ang mga bagay na itinalaga para sa akin, pati ang Araw ng Pamamahinga. Dito sa hanay na ito ng talata nabibilang sa bagay na binabanggit na winalang halaga ng mga pangunahing leader ang mga bagay na itinalaga sa ating Panginoong Diyos na pinatutungkol sa Pagsamba sa Kanya. Alin ang isa sa mga binabanggit na bagay na itinalaga? Ito ang mga ginagamit natin sa panahon ng pagpupuri sa Kanya, sa ating Panginoong Diyos at sa ating Panginoong Jesu-Cristo ang mga kapatid nating mga mang-aawit ang gumagamit sa mga pagsasanay ang isa sa pinatutungkulang bagay na itinlaga na dapat maagap na pinaghahandaan sa taunang Pasalamat ng mga mang-aawit.
Muli maraming salamat mahal kong kapatid at ikaw ay may lakas ng loob na maghanay ng mga punang naaangkop upang mabigyang paunawa ang mga kapatid nating mang-aawit para maipagmalasakit natin silang lahat na mapaalalahanan sa kanilang ikatitibay at ikalalakas ng pananampalataya sa kabila ng lahat nangyayari sa kapulungan ng mga kapatid nating mga mang-aawit. Lalo na sa panig ng mga halos tumanda na sa pagiging mang-aawit sa lokal na kanilang mga kinatatalaan na kapwa dumaranas din ng matinding pagkabahala ganunpaman ay hindi sila bumibitaw.
Ngunit sa mga kapatid kong tila nawawalan ng pag-asa at pinapanawan na ng kasiglahan sa pagdalo sa pag-eensayo dahil nga sa ibat-ibang uri ng mga pagsubok na kinakaharap sa panahon pa lang ng pag-eensayo. Huwag na huwag kayong manghihimagod mga mahal kong kapatid. Bahagi ito ng pagsubok at pagdalisay sa bawat isa sa atin upang kilalanin ng Panginoong Diyos at subukin ang bawat damdamin ng isat-isa sakaling ang lahat ng inilalarawan sa sinipi nating talata ay nagaganap sa pangkasalukuyan sa atin namang panahon. Dapat lalo tayong mag-umigting sa pagtatalaga, sa pagpapahalaga sa tungkulin na ipinagkaloob ng Panginoong Diyos natin sa atin. At hindi tayo papayag na tao lamang ang magiging dahilan para maisantabi na ninyo ito lalo na’t sila ngayon ay hindi na makaiiwas sa parusang itinakda na para sa kanila.
Kaya nga kayanin niyo pa mga mahal kong kapatid hangga’t hindi pa buhay ninyo ang hinihingi kundi ang pagtitiis pa lang. Ngunit kung may nalalabag na sa aral o doktrinang umiiral sa ating kasalukuyang pagiging mga mang-aawit at nais ng saklawan ang Kapangyarihan ng ating Panginoong Diyos at ng ating Panginoong Jesu-Cristo. Mga kapatid kong mang-aawit isangguni ninyo muna sa Kanya sa pamamagitan ng ilang araw na Pagpapanata at hintayin ang Panginoong Diyos ang tutugon sa iyong kahilingan na naihanay mo ng ikaw dumulog at nanalangin sa Kanya.
Muli maraming salamat mahal kong kapatid,
– ELIAS ARKANGHEL
—————————————————————
Reblogged this on Iglesia Ni Cristo Never Keep Silent.
LikeLiked by 1 person
Mahal na Kapatid , ako po ay isang Mang awit dito sa isang bansa sa Amerika gusto ko lang pong idulog sa inyo ang bumabagabag sa aking isipan na katanungan , hindi na po kasi lingid sa ating pang unawa na ang mga lyrics o katagang bumubuo ngayon sa mga awit ay patungkol na sa baha bahagi at parang hindi na sa pagpupuri sa ating Panginoong Dios, iminumulat po ang mga Kapatid na may kumakalaban sa aral na itinataguyod ng Iglesia ang mga mensahe ay puno ng Paghihimagsik at Pakikipaglaban na pinapa intindi na ina api ang Pamamahala. May mga binuong nota na halos pang konsyerto na sobrang ang tataas ng himig at di na akma sa ginagawa nating Pagsamba kaya ramdam talaga na di na sinasamahan ng Espiritu Santo. Gusto ko pong maunawaan bilang isang Mang await naka pagdudulot pa ba ako ng kaaliwan sa Dios kapag binibigkas ko sa aking mga labi ang mga awit na ito na lumalaban naman ang puso ko dahil hindi ito nagdudulot ng Kapayapaan kundi pagka ka watak watak ng dating Iglesiang Nag kakaisa ? Sana po ay pagpayuhan ninyo ako dahil hindi na po ako masaya sa aking mga pagtupad at ayoko pong pakasangkapan sa pag awit na iba na sa aking unang natutunan. Pagpalain nawa kayong lalo ng ating Ama na patuloy na maging kasangkapan upang makapag bigay kaaliwan sa maraming kaluluwang sabik sa pagkandili ng Ama.
Ang inyong kapatid kay Cristo,
Lyka
LikeLike